Jeevan se Sakshatkar (Roman Script)

 Pustak Parichay

mera vishvas hai ki hamare srishtikarta ne ham sabakee srishti kisi uddeshy ke sath kee hai. ham bhi jab kisi chiz ka nirman karate hain to usake pichhe kuchh na kuchh lakshy aur usake istemal ke lie kuchh yojana zaroor hoti hai. usi prakar mera manana hai ki hamare srishtikarta eeshvar ne ham men se harek ke lie ek yojana rakhi hai aur harek ke jivan ka ek uddeshy rakha hai.

anant aasha se bharapoor, aashishit tatha santusht jivan jine kee kunji hai � us uddeshy ko khojana tatha usako poora karana. main aisa har din karata hoon aur ham sath men ise sikh sakate hain.

ek samay main bhi apani jindagi ke mahatvapoorn pahaluon se anajan tha aur ek bharapoor zindagi se maharoom tha, par aaj main apane jivan ko bahut gaharaee se, bharapoori ke sath ji raha hoon. mere jivan men main ek aisi shanti aur aanand ka anubhav karata hoon jo meri samajh se bahar hai. mera poora vishvas tatha meri atoot aastha eeshvar men hai jo ki mera paramamitr ho gaya hai aur mere jivan ka adhikar apane hathon men rakhata hai. vo mere sare tedhe medhe margon ko sidha karata hai, har mushkil men meri sahayata karata hai, apani aashishen mujhe deta hai aur ek vijayi jivan jine men meri sahayata karata hai.

mera janm hindoo parivar men huaa tha, isalie meri apani ek vicharadhara thi tatha jab mainne pahali bar masihi vishvas (eesaee dharm nahin) ke bare men suna to mere lie yakayak isamen vishvas karana aasan nahin tha . mere man men kaee prashn uthe the jinake uttar paye bina mere liye is mat par vishvas karana namumakin tha. svayan eeshvar ne mere un sabhi savalon ka javab diya jo mere vigyan prabhavit tatha tark sanchalit dimag men uthe the.

main bhaugolik soochana pranali (GIS) se jude vyavasay men karyarat hoon tatha upagrah se prapt chitr kaee bar apane kary ke dauran dekhata hoon. maine paya hai ki jo chijen ham oonchaee se dekh pate hain unako saman dharatal par rahate hue dekhana aur samajhana asanbhav hai. aaj jab main jivan ko manaviy drishtikon se oopar uthakar aatmik nazar se dekhata hoon to jivan ka ek alag hi chitr mujhe nazar aata hai. vahi main aapako is pustak ke dvara dikhana chahata hoon. [Read this page in Hindi script]

Click here to read Online | Download | Read PDF online | Write to author